हेटौंडा । पत्रकारहरुको भूमिका खोज र अनुसन्धान मुलक समाचार लेख्न अग्रसर हुनु पर्ने बागमती प्रदेशका मुख्यमन्त्री बहादुर सिंह लामाको जोड रहेको छ । नेपाल पत्रकार महासंघ बागमती प्रदेश समितिको आयोजनामा हेटौंडामा भएको पत्रकारहरुसंग अन्तरक्रिया कार्यक्रममा समाचारलाई प्राथमिकतामा राखेर कलम चलाउनु पर्ने प्रमुख अतिथी मुख्यमन्त्री तामाङले पत्रकारहरुलाई आग्रह गर्नु भएको हो । 

अब पत्रकार टेक्नोलोजी संग नजिकर रहेर काम गर्नुपर्ने उनले बताए । पत्रकार र प्रदेश सरकारको सम्वन्ध सुमधुर हुनुपर्ने उनले बताए । कुनैपनि कामको नकारात्म ढंगले भन्दा पनि सकारात्मक ढंगले काम गरिनुपर्ने उनको भनाइ छ । कार्यक्रममा प्रदेशका आन्तरिक मामिला तथा कानून मन्त्रालयका सचिब पूर्ण बहादुर दर्जीले पत्रकार महासंघ र संघसंगठनहरुका लागि काम गर्नका लागि नियम कडा नबनाएको बताए ।

कार्यक्रममा नेपाल पत्रकार महासंघ बागमती प्रदेशका निर्बतमान अध्यक्ष शिब देबकोटा, संस्थापक अध्यक्ष प्रताप विष्ट, पत्रकार महासंघ बागमती प्रदेशका उपाध्यक्ष हरि हुमागाईं, प्रेस चौतारी नेपाल बागमती प्रदेशका अध्यक्ष तिलकराम रिमाल, प्रेस युनियन बागमती प्रदेशका अध्यक्ष युवराज पुरी, प्रेस सेन्टर बागमती प्रदेशका अध्यक्ष धुर्ब अधिकारी, फोनीज बागमती प्रदेशका अध्यक्ष युवराज श्रेष्ठ लगायतकाले आफ्ना भनाइहरु राखेका थिए । नेपाल पत्रकार महासंघ बागमती प्रदेशका अध्यक्ष कृष्ण सारु मगरको अध्यक्षतामा भएको कार्यक्रममा महासंघका महासचिब राधेश्याम खतिवडाले कार्यक्रम सञ्चालन गरेका थिए ।